ڪائنات ڪيڏي وڏي آ
ڪائنات ڪيڏي وڏي آ،
جا اسان سڀني سڏي آ،
سا ته ڄڻ ڪا آرزو آ،
سا ته ڄڻ ڪائي اڏيِ آ،
ڪائنات ڪيڏي وڏي آ.
رات پوئين پھر ۾،
ھن ڪاري قھر ۾،
جِندڙِي ڪمزور آھي،
جندڙي ھيڪل جڏيِ آ،
ڪائنات ڪيڏي وڏي آ.
جنھن به ديس ۾ وياسين،
جنھن به ويس ۾ وياسين،
ٽھڪ تنھنجا ئي ٻڌاسين،
گفتگو تنھنجي گڏيِ آ،
ڪائنات ڪيڏي وڏي آ.
چنڊ تارن جي خدائي،
ھيءَ ملڻ جھڙي جدائِي،
جيترو ويجھا ٿياسين،
اوترِي پرتي ڇڏيِ آ،
ڪائنات ڪيڏي وڏي آ.