سائي سائي سرتي سهڻي،
ڌرتي پنهنجي سوني، ميان!
جن جي ٻوٽن پنن پنکڙين،
پاتو ويس آ موڱي، ميان!
مستي منجهه مهراڻ ۽ موجون،
ڇرڪي ڇولي ڇولي، ميان!
متوالي مڌ ماريا مستي،
ڪيئي متارا موکي، ميان!
پيئي منجهه پاتال سنڌو جي،
ميڙيم ماڻڪ موتي، ميان!
سسئي سهڻي مارئي مومل،
ڳايان ليلا نوري، ميان!
جهنگ جبل جر جاڳيا ڀاڳيا،
جوءِ جوءِ منجهه جوڳي، ميان!
روشني ڦهلي ’پياسي‘ لاٿي،
اونداهيءَ تان پوتي، ميان!
صدين کان سنڌ ۾ سنڌي،
پنهنجي مٺڙي ٻولي، ميان!
سيئي منهنجي روح جي راحت،
جيون جن جو جوتي، ميان!