اسٽيج تي ڪردارن جا لاشا
تاڙيون وڳيون بڻيا تماشا
چٽ ڀري تو ٺاهيون سهڻيون
ڀلا تو ڪنهن لاء بت تراشا
هٿ صحرا ۾ ڇا توکي ايندو
ڀٽڪيل روح جا اي متلاشا
جيئن جو چاهي تيئن ڪري
سڀڪو پنهنجي دل جو پاشا
اوٽ بهارن جي اوسيئڙي ۾
مليا مون ها ڪئي خراشا
تنهنجي پتي ۾ سک جا سپنا
منهنجي پتي ۾ ڏکڙا خاشا
جوت نه ٿي جڳ جيسين جرڪي
تيسين ٿيندي ڪانه ڪا ناشا
سج جا پاڇا ڳوڙهي ڏند تي
ڳاڙها ڄڻ اجرڪ جا حاشا
رات تارن چانڊوڪيءَ چنڊ
جهڙِي منهنجي سندر ڀاشا
جڳ سان ناتا پياسي نڀائي
جيون جي ڪئي پوري آشا