در پٺيان نڪتو هو چنڊ
مرڪي من ۾ پيو هو چنڊ
جهڙ جهالارن ۾ جو ڏٺم
پرين جو پرتوو هو چنڊ
ٿي چوڏس اوندهه انڌڪار
ڪڪرن منجه لڪو هو چنڊ
چوڏهين چانڊاڻ چاهت ۾
شايد چڪو ر وڻيو هو چنڊ
پور خاموش راتين ۾ ڀي
ڪهڙو سهڻو ٿڌو هو چنڊ
سج زمين جو ٽٽو رابطو
ڏٺوسين ڦٿيڪو هو چنڊ
هٿ مرڪي ڪنهن لوڏيو
سمجهيم عيد جو هو چنڊ
ڪريا ڪرڻا جڏهن ڀونءِ تي
ٻري روشن پيو هو چنڊ
ڏور ستارن جي جهان ۾
ماٺ اڪيلو بيٺو هو چنڊ
گهنگهور گهٽائن مان پياسي
ڊوڙندي ڀلو لڳو هو چنڊ