رسم محنت جي ابتدا ڪر
وقت جو قدر ڪر انتها ڪر
حاصلات کان اڳي دوست
جيءَ پنهنجي سان جفا ڪر
جهالت جا سڀ ڀوري بُت
علم هنر تي اڪتفا ڪر
حقن جي ڪرين جي ڳالهه
فرضن کي پنهنجي ادا ڪر
ڪوڙ ڪپت جو وهنوار ڇڏ
قلم سان پنهنجي وفا ڪر
دونهاٽيل فِضا ٻوساٽ ۾
ماحول خوشگوار پيدا ڪر
اوندهه تي پکيڙِي روشني
گهر گهر روشن ڏيا ڪر
زخم زخم جو مرهم بنجي
ڪنهن درد دل جو دوا ڪر
ترهو تار مان ويندو تري
بلند پنهنجا حوصلا ڪر
وچن جي ڪرين پياسي
ته پير پنهنجا پڪا ڪر