او ويٽنام جا عوام
تنهنجي همت کي سلام،
تنهنجي روشن هر صبح،
تنهنجي سرهي آهي شام،
تنهنجي عظمت جا نشان،
ٿيا نمايان گام گام.
تنهنجي جدوجهد جو سج،
جڳ پيو جرڪي عام جام،
سامراجي ڏس سوگهو تو وٽ،
واهه آ ڦاٿو تنهنجي دام.
تو لڳائي ضرب ڪاري،
دل جي دشمنن تي عام،
تنهنجي جرئت زور اڳيان،
ڪيئن هڻي دشمن چوء هام،
تنهنجو سورهيه رهبر آ هوچي،
جڳ آ روشن جنهنجو نام،
مظلوم قوم جا پيامبر،
انسان دوستي جا امام
تو وسائي گولا سر تي
هيءَ ڇڏي سلجهائي مام