29:104
دنيا ۽ آخرت
قرآن مجيد ۾ ارشاد فرمايل آهي: ”۽ هيءَ حياتي کيل تماشي ۽ راند روند کانسواءِ ٻيو ڪجهه به نه آهي ۽ آخرت جو گهر ئي سچي حياتي آهي. ڪاش هو ڄاڻن ها.“ (العنڪبوت: 64)
انسان جي گمراهيءَ جو اصل سبب هيءَ آهي، ته هو دنيا جي رنگينن ۽ هُل بکيڙن ۾ ايترو ته گُم ٿي ٿو وڃي، جو هو ان کان مٿي ٿي نٿو سوچي. حقيقت تائين پهچڻ لاءِ پنهنجو پاڻ کي ظاهر کان مٿي کڻڻو پوي ٿو. گهڻا ماڻهو پنهنجو پاڻ کي ظاهر کان مٿي کڻي نه سگهندا آهن، تنهنڪري گهڻا ماڻهو حقيقت کي ڄاڻڻ وارا بنجي نه سگهندا آهن.