240-98
خالص دين
”۽ جن کي ڪتاب ڏنو ويو آهي، سي وٽن ظاهر دليل جي پهچڻ کانپوءِ ئي جدا جدا ٿي ويا. جيتوڻيڪ کين اهو حڪم ڏنو ويو هو ته هو الله جي عبادت ڪن، اُن لاءِ دين کي خالص ڪري ۽ نماز پڙهن ۽ زڪواة ڏين. اها ئي سنئين وات آهي“. (البينه-4-5)
خدا جو خالص دين اهو آهي ته ماڻهو هڪ الله جي بندگي ڪري. هو دل سان ان جو چاهيندڙ بنجي وڃي، هو نماز پڙهي ۽ زڪواة ڏي. اهو ئي خدا طرف ايندڙ اصل دين آهي، سڀني کان سُٺا ماڻهو اهي آهن، جيڪي ان خالص دين کي اختيار ڪن ۽ سڀني کان خراب ماڻهو اهي آهن، جيڪي ان خالص دين کي اختيار نه ڪن يا ان کانسواءِ ڪو ٻيو دين جوڙين ۽ ان هٿرادو دين کي خالص دين جو نالو ڏين.