238-95
پڙهڻ ۽ قلم
”پڙهه پنهنجي ربّ جي نالي سان، جنهن پيدا ڪيو آهي، انسان کي رت جي دڳ مان بنايو اٿس، پڙهه تنهنجو پاليندڙ وڏو سخي آهي، جنهن قلم سيکاريو آهي، انسان کي اهو ڪجهه سيکاريائين، جنهن کي هو نه ڄاڻندو هو“. (العلق-1-5)
انسان کي ربّ تعاليٰ معمولي مادي جُزن مان جوڙيو. پوءِ کيس اها نادر صلاحيت ڏني ته هو پڙهي ۽ لفظن جي ذريعي معنيٰ سمجهي سگهي. پوءِ انسان کي اها وڌيڪ صلاحيت ڏني ويئي ته هو قلم کي استعمال ڪري ۽ ائين هو علم کي سهيڙي ۽ محفوظ ڪري سگهي. قرآن جي صلاحيت جيڪڏهن ماڻهوءَ کي خود پڙهڻ جي قابل بنائي ٿي ته قلم ان کي ان قابل بڻائي ٿو ته هو پنهنجو علم وڏي پئماني تي ٻين تائين پهچائي سگهي.
پڙهڻ ۽ قلم جي اها صلاحيت انسان کي خصوصي طور تي ان ڪري ڏني ويئي آهي ته جيئن ان جي وچ ۾ علم ۽ تحقيق جون سرگرميون جاري رهن. هو حقيقت کي ڳولهي لهي پوءِ ان کي سڄي انسانيت تائين پهچائي.